فلسطيني ممنوع تعيش
قالولك اسكت..... ما تحكيش ...... انت خلقت للتلطيش
للحواجز ...... للمعابر ....... للتفتيش
وكتبوا على جبينك:.... ينداس من الضابط للشاويش
فلسطيني ........ قالولك ممنوع تعيش
فلسطيني ممنوع تثور
ومش مسموح تكون مقهور
و اياك تطالب بحقك ........ واوعة بيوم تشوف
ممنوع تجدد هوية ............... ممنوع تجدد باسبوور
فلسطيني وبدك تتعلم ؟ ؟ ...... هاي شغلة ضد الدستور
فلسطين لازم تتألم ........... بدون ما يشوفك دكتور
فلسطيني ممنوع تتظلم ............ ولا يطلع بجناحك ريش
فلسطيني ممنوع تعيش
فلسطيني بكل المطارات ..... اسمك بالاحمر مكتوب
وعشبّاك مصلحة الجوازات ......... كتبوا عجبينك مطلوب
لازم تتوقف ساعات ................. مذنب أو من دون ذنوب
ويتوجهلك اتهامات .............. بانك سبب كل الحروب
كأنو بسببك الحق مات ........... والعدل بأرضك مصلوب
وكأنك سبب كل النكسات ............... وكل أزمات الشعوب
وكأنو بسببك مجرم فات ........... عجنين بلحظة الغروب
وذبّح صبيان وبنات ............. وعجّز على أمرا مغلوب
مع انو الحقيقة انا اللي بالدنيا ضحية
عملتوني مادة للغنا ................ وقضية اللي ما عندو قضية
انا اللي راسي ما نحنا بوجه الريح القوية
انا اللي شعبي صمد بالضفة وبالراشدية
انا اللي شعبي انتفض ................. وبحجر حارب دورية
واليوم ...... وبكرا ....... وللابد عنّا كلمة وحدة هية:
فلسطين عربية ....... ورح تبقى عربية ......... ورح ترجع عربية
الإثنين سبتمبر 03, 2012 9:44 pm
